Jammu Sunjuwan Encounter: 'مہلوک عسکریت پسند سیکورٹی فورسز پر خود کش حملے کی فراق میں تھے'

جموں کے سنجوان علاقہ میں سکیوریٹی فورسیز اورعسکریت پسندوں کے درمیان ہوئے تصادم میں ایک سی ایس ایف کے افسراور دو عسکریت پسند ہلاک ہوئے ہیں۔ اس تصادم میں 9 سکیورٹی فروسز اہلکار زخمی ہوئے ہیں جنہیں علاج جاری ہے۔Jammu Sunjuwan Encounter

جموں: جموں و کشمیر پولیس کے سربراہ دلباغ سنگھ کا کہنا ہے کہ سنجوان جموں میں تصادم کے دوران مارے جانے والے عسکریت پسند سیکورٹی فورسز پر خودکش حملہ کرنے کا منصوبہ رکھتے تھے۔انہوں نے کہا کہ یہ عسکریت پسند وزیر اعظم نریندر مودی کے دورے سے قبل خود کش حملہ کرکے اس دورے کو متاثر کرنا چاہتے تھے۔موصوف پولیس سربراہ نے ان باتوں کا اظہار جمعہ کو جائے تصادم آرائی پر نامہ نگاروں کے سوالوں کے جواب دینے کے دوران کیا۔Dilbagh Singh on Sunjuwan Encounter

جموں و کشمیر پولیس کے سربراہ نے کہا کہ ’مصدقہ اطلاع پر کارروائی کرکے جموں و کشمیر پولیس اور دیگر سکیورٹی فورسز نے اس آپریشن کو کامیابی سے انجام تک پہنچایا جس کے لیے میں اپنے افسروں، اہلکاروں اور سیکورٹی فورسز کو مبارک باد دیتا ہو‘۔

ان کا کہنا تھا کہ مہلوک عسکریت پسند جیش محمد نامی عسکری تنظیم سے وابستہ تھے اور یہ سکیورٹی فورسز پر خودکش حملہ کرنے کا منصوبہ رکھتے تھے۔ سنگھ نے کہا کہ وزیر اعظم نریندر مودی کے دورے سے قبل سکیورٹی فورسز پر خودکش حملہ کرنا ان کا مشن تھا تاکہ اس دورے کو متاثر کیا جاسکے۔انہوں نے کہا کہ ایسا لگتا ہے کہ ان عسکریت پسندوں نے حال ہی میں دراندازی کی ہے۔