بانڈی پورہ: نوجوان نے خودکشی کرلی

گزشتہ کچھ وقت سے وادی کشمیر کے نوجوانوں میں خودکشی کا رجحان بڑھتا جارہا ہے اور آئے روز کئی ایسے واقعات سامنے آرہے ہیں۔

شمالی کشمیر کے ضلع باںڈی پورہ کے سمبل سوناواری علاقے میں ایک 28 سالہ نوجوان نے مبینہ طور پر اپنے گھر میں پھانسی لگا کر خودکشی کرلی ہے۔

اطلاعات کے مطابق گزشتہ شب دیر رات گئے سمبل کے ننی نارہ میں اس وقت سنسی پھیل گئی جب مذکورہ نوجوان کو اپنے کمرے میں لٹکتے ہوا پایا گیا جس کے فوراً بعد اس کے اہل خانہ اور رشتہ داروں نے اسے سمبل اسپتال پہنچایا تاہم ڈاکٹروں نے اسے وہاں مردہ قرار دیا-

اس واقعے کے بعد پورے علاقے میں صب ماتم چھا گیا۔ سمبل اسپتال میں موجود ایک میڈیکل آفیسر نے اس واقعے کی تصدیق کرتے ہوئے کہا کہ مذکورہ نوجوان کو اسپتال جب لایا گیا تو وہ مر چکا تھا۔

پولیس نے اس معاملے میں ایک کیس درج کرتے ہوئے مزید تحقیقات شروع کی ہے۔

واضح رہے کہ گزشتہ کچھ وقت سے وادی کشمیر کے نوجوانوں میں خودکشی کا رجحان بڑھتا جارہا ہے اور آئے روز کئی ایسے واقعات سامنے آرہے ہیں۔