مرکز کے زیرانتظام ریاست جموں و کشمیر کے ضلع بانڈی پورہ کھیل کود کے شعبے کے ساتھ ساتھ علم ادب کے لیے بھی مشہور ہے، اور بانڈی پورہ کی سرزمین نے آج تک کھلاڑی پیدا کیے ہیں ، جنہوں نے اپنی صلاحیت کا لوہا ملکی سطح پر منوایا ہے۔
وہیں ضلع بانڈی پورہ کے لہروال پورہ گراونڈ میں وُلر گولڈن کپ فٹ بال ٹورنامنٹ کی شروعات ہوگئی۔
واضح رہے کہ اس ٹورنامنٹ کا انعقاد مقامی فُٹ بال کمیونٹی اور نیشنل اینڈ انٹرنیشنل فُٹ بال فورم نے کیا۔
ٹورنامینٹ کا افتتاح انٹرنیشنل فُٹ بالر اشفاق احمد نے کیا، تاہم افتتاحی میچ ہاشمی فُٹ بال کلب اور اقبال فُٹ بال کلب کے درمیان کھیلا گیا، جس میں اقبال فُٹ بال کلب نے جیت درج حاصل کی۔
خیال رہے کہ اس ٹورنامینٹ کے دوران کووڈ-19 کے حوالے سے جاری رہنما ہدایات پر مکمل طور سے عمل کیا گیا، اتنا ہی بلکہ میچ شروع ہونے سے پہلے کھلاڑیوں کو سینٹائزر فراہم کیا گیا۔
اس موقعے پر اشفاق احمد کا کہنا تھا کہ بانڈی پورہ کے لڑکوں کے ساتھ ساتھ لڑکیوں میں کھیل کود کا جزبہ کوٹ کوٹ کر بھرا ہوا ہیں، لیکن ان کو صیح ہدایات کی ضرورت ہے۔
انہوں نے کھلاڑیوں کو صیح کوچینگ اور پرکٹس پر زیادہ زور دیتے ہوئے امید ظاہر کی ہے کہ آنے والے دنوں میں یہ کھلاڈی بانڈی پورہ کے ساتھ ساتھ پورے ملک کا نام روشن کریں گے۔
