اننت ناگ کے کے پی روڈ پر قائم گورنمنٹ ڈگری کالج فار وومن کی طالبات کالج کے باہر جمع ہوئیں اور سمبل واقعے کے خلاف زبردست مظاہرہ کرتے ہوئے ایک احتجاجی ریلی نکالی۔
' کمسن بچی کو جلد سے جلد انصاف فراہم کیا جائے '
احتجاجی تین سالہ کمسن بچی کی عصمت دری میں ملوث شخص کے خلاف سخت کارروائی کرنے اور کمسن بچی کو جلد سے جلد انصاف فراہم کرنے کی مانگ کو لے کے نعرے بلند کر رہے تھے۔
ای ٹی وی بھارت سے بات کرتے ہوئے احتجاجیوں نے کہا کہ اس طرح کے واقعات رونما ہونے کے بعد وہ خود کو غیر محفوظ سمجھ رہی ہیں۔
انہوں نے ملوث شخص کو ہنگامی بنیاد پر سخت سے سخت سزا دینے کی مانگ کی تاکہ دوبارہ ایسے واقعات رونما نہ ہو۔
