اطلاعات کے مطابق شونگلی پورہ میں ایک مقامی شخص اپنے کھیت میں کام کر رہا تھا جس دوران وہاں پر ایک جنگلی ریچھ اچانک نمودار ہوا اور اس شخص پر حملہ کیا جس کے نتیجے میں مذکورہ شخص شدید طور پر زخمی ہوا۔
اس بات کی خبر جوں ہی مقامی آبادی تک پہنچی تو لوگ حملے کی جگہ دوڑنے لگے تاہم لوگوں کے وہاں پہنچنے سے قبل ہی ریچھ وہاں سے باگ چکا تھا۔
مقامی لوگوں نے زخمی شدہ 55 سالہ شخص کی شناخت محمد عبدلا شیخ ولد عبدالکریم شیخ ساکنہ شونگلی پورہ کے طور پر بتائی ہے۔
وہی لوگوں نے مذکورہ شخص کو فوری طور پر نذدیکی پرائمری ہیلتھ سنٹر کھاگ پہنچایا جہاں ڈاکٹروں نے اُسے سرینگر کے بون اینڈ جوئنٹ اسپتال منتقل کیا۔
کھاگ علاقے میں اس سے قبل بھی اسی مہینے میں ایک مقامی شہری پر حملہ کیا تھا جب وہ صبح اپنے کام پر جا رہا تھا جس کو ایک مقامی نوجوان نے ریچھ سے بچا لیا۔
