پینے کے صاف پانی کی شدید قلت، عوام پریشان

لوگوں کا کہنا ہے کہ وہ گندہ پانی پینے کے لئے مجبور ہیں اور وہ گڑھوں کا گندہ پانی پیتے ہیں جس کی وجہ سے اکثر و بیشتر بیمار ہونے کا خطرہ رہتا ہے۔

شمالی کشمیر کے ضلع بارہمولہ کے سوپور قصبہ کے چیر ہار گاؤں میں پینے کے صاف پانی کی شدید قلت کی وجہ سے لوگوں کو کئی مشکلات کا سامنا کرنا پڑ رہا ہے۔

ای ٹی وی بھارت کے ساتھ بات کرتے ہوئے مقامی لوگوں نے بتایا کہ ان کو پینے کے صاف پانی کی شدید قلت ہے اور اس کی وجہ سے ان کو کافی دشواریوں کا سامنا کرنا پڑتا ہے ۔

لوگوں نے بتایا کہ انہوں نے محکمہ جل شکتی سے کئی بار گزارش کی کہ وہ ان کو پانی فراہم کرے لیکن ان کی کسی نے نہیں سنی ۔

لوگوں کا کہنا ہے کہ وہ گندہ پانی پینے کے لئے مجبور ہوتے ہیں اور وہ گڑھوں کا گندہ پانی پیتے ہیں جس کی وجہ سے اکثر و بیشتر بیمار ہونے کا خطرہ رہتا ہے۔

انہوں نے مزید کہا کہ محکمہ جل شکتی کے ملازمین اپنی ڈیوٹی نہیں دیتے ہیں اور دس دس دنوں کے باد نل میں پانی کی سپلائی آتی ہے۔

لوگوں نے انتظامیہ اور محکمہ جل شکتی سے مطالبہ کیا کہ وہ ان کو پانی سپلائی فراہم کرے تاکہ گاؤں کے لوگوں کو مزید مشکلات سے دو چار نہ ہونا پڑے۔