آبادی کے مطابق ایڈیشینل ڈپٹی کمشنر ترال کے آفس کے بالکل سامنے گندگی کے ڈھیر یہ ثابت کرنے کے لیے کافی ہے کہ میونسپل کمیٹی ترال کی کارگزاری کس حد تک اطمینان بخش ہے۔
بقول عام لوگوں کے اس مقام پر اہم سرکاری دفاتر مثلاً اے ڈی سی آفس، پولیس اسٹیشن، دہی ترقی کا آفس اور سب سے بڑھکر علاقے کا واحد سب ڈسٹرکٹ اسپتال ہے اس کے باوجود میونسپل کمیٹی ترال غیر ذمہ داری کا ثبوت پیش کر رہی ہے۔
ایک طرف کرونا وائرس سے نمٹنے کے لئے انتظامیہ زور دے رہا ہے لیکن دوسری طرف چراغ تلے اندھیرا کے مصداق ترال میں صفائی کا فقدان ہے ۔
مقامی بزرگ محمد یوسف نے ای ٹی وی بھارت کو بتایا کہ میونسپل کمیٹی ترال اس اہم جگہ کو صاف کرنے میں عدم دلچسپی کا مظاہرہ کر رہا ہے۔
ایک اور شخص نے کہا کہ گندگی کی وجہ سے یہاں سے جا رہے مسافروں کو بھی انفیکشن کا خطرہ ہے ۔
آخر میونسپل کمیٹی ترال ٹاون کو صاف رکھنے میں ناکام کیوں ہے یہ سوال جب نمائندے نے میونسپل کمیٹی ترال کے ایک اعلی عہدیدار محمد اکبر سے پوچھا تو انھوں نے مشینری کی قلت کا اعتراف کرتے ہوئے کہا کہ معقول افرادی قوت ہونے کے باوجود ان کے پاس مناسب مشینری موجود نہیں ہے۔
