ضلع بارہمولہ میں اپنی نوعیت کا پہلا اور انوکھی شادی کا ایک ویڈیو وائرل ہورہا ہے، جس میں دلہن نے از خود گاڑی چلاکر سب کو حیران کردیا۔ اطلاعات کے مطابق سوشل میڈیا پر کچھ روز قبل سے ایک شادی کی تقریب موضوع بحث بنی ہوئی ہے۔ تقریب میں دلہن از خود گاڑی چلاکر سب کو حیران کردیا۔
اس سلسلے میں بعض افراد نے اس اقدام کو نہ صرف جائز ٹھہرایا بلکہ اسے قابل تقلید بھی قرار دیا ہے، وہیں متعدد افراد کا ماننا ہے کہ یہ کشمیر کی روایات اور ثقافت کے عین منافی ہے اسے پروموٹ نہیں کیا جانا چاہیے۔
اس حوالے سے ذرائع ابلاغ کے نمائندوں نے دولہے عامر کے ساتھ رابطہ قائم کیا تو انہوں نے بتایا کہ یہ (گاڑی) میں نے اپنی زوجہ (دلہن) کو عین رخصتی کے موقع پر تحفہ دیا جس کے بارے میں کسی کو معلوم نہیں تھا، میری اہلیہ نے گاڑی چلانے کی خواہش ظاہر کی جب کہ میں نے اپنی اہلیہ کی خواہش کا احترام کیا ہے‘۔
مزید پڑھیں:بارہمولہ: رخصتی کے وقت دلہن نے گاڑی چلائی، ویڈیو وائرل
قابل ذکر ہے کہ اس نوعیت کا یہ پہلا اور انوکھا واقعہ ہے جو وادیٔ کشمیر میں رونما ہوا ہے، دلہن کی جانب سے گاڑی چلانے کا ویڈیو وائرل ہونے کے بعد سے دونوں میاں بیوی سرخیوں میں ہیں۔
