شری ماتا وشنو دیوی شرائن بورڈ کے سی ای او رمیش کمار نے زائرین سے یہ اپیل جموں کی صورتحال کا جائزہ لینے کے بعد کی جہاں تین افراد کے ٹیسٹ مثبت پائے گئے۔
رمیش کمار نے یاترا اور زائرین کی حفاظت سے متعلق تمام پہلوؤں کا جائزہ لیا۔ کوویڈ ۔19 کے پھیلاؤ پر غور کرتے ہوئے سی ای او نے زائرین سے اپیل کی کہ وہ صورتحال کو معمول پر لانے تک وشنو دیوی پر حاضری ملتوی کردیں۔
زائرین کی حفاظت کو یقینی بنانے کے لئے شرائن بورڈ نے پہلے ہی متعدد حفاظتی اقدامات اٹھائے تھے۔ ان میں اٹکا آرتی سلاٹز کو کم کرنا اور گروہوں میں یاترا کو محدود کرنا وغیرہ شامل ہیں۔
شرائن بورڈ نے کورونا وائرس سے متعلق بیداری پھیلانے کے لیے عام لوگوں میں پمفلٹ تقسیم کئے۔
اس سے قبل کوورونا وائرس کے پھیلنے کے مدنظر شری ماتا ویشنو دیوی شرائن بورڈ نے ضروری احتیاطی اقدامات کئے تھے ۔ شرائن بورڈ نے غیر مقیم بھارتیوں، غیر ملکیوں و دیگر زائرین کو ایڈوائزری جاری کرتے ہوئے کہا تھا کہ وہ بھارت میں داخل ہونے کے بعد 28 دنوں تک ماتا ویشنو دیوی کا دورہ نہ کریں۔
