جہاں گزشتہ دنوں سینکڑوں کنال اراضی پر پھیلی ہوئی خشخاش اور بھنگ کی فصل کو تباہ کر دیا گیا وہیں اس مہم کو جاری رکھتے ہوئے اونتی پورہ پولیس نے ایس ڈی پی او اعجاز چودھری کی قیادت میں رینزی پورہ، چرسو اور دیگر علاقوں میں غیر قانونی طور پر کاشت کی جا رہی 25 کنال اراضی پر پھیلی ہوئی خشخاش کی فصل کو تباہ کرنے کے لیے ٹریکٹروں کا استعمال کیا جبکہ چھ مزید افراد اس کاشت میں ملوث ہونے کے جرم میں گرفتار کیے گئے ہیں۔
عوامی حلقوں نے جہاں پولیس کی اس کاروائی کو خوش آیند قرار دیا ہے تاہم اس بات پر بھی عوامی حلقے حیران ہے کہ اس فصل کو متعلقہ علاقوں میں بونے کے وقت ہی ضایع کیوں نہیں کیا جا رہا ہے۔
