اُڑی: بارودی شیل کو ناکارہ بنا دیا گیا

شمالی کشمیر کے اڑی سیکٹر میں لائن آف کنٹرول کے نزدیک پاکستان کی جانب سے کی گئی گولہ باری سے عام لوگ کافی متاثر ہوئے ہیں۔

شمالی کشمیر کے ضلع بارہمولہ میں ایل او سی پر دھماکہ خیز مواد ملنے سے افراتفری پھیل گئی جس کو بعد میں سکیورٹی اہلکاروں نے اسے ناکارہ بنا دیا۔

واضح رہے کے لائن آف کنٹرول کے نزدیکی چرنڈا، ہتھ پنگا گاؤں میں گزشتہ ہفتے سے بھارت اور پاکستان کی افواج کے درمیان گولہ باری کا تبادلہ جاری ہے۔ مقامی شخص کا کہنا تھا کہ' پاکستان کی جانب سے آئے روز ہونے والی گولہ باری سے یہاں کے لوگ شدید مشکلات سے دوچار ہے۔'انہوں نے دونوں ممالک کی حکومتوں سے اپیل کی کہ وہ لوگوں کی جان و مال کی حفاظت کے لئے مؤثر اقدامات اُٹھائے۔ انہوں نے بروقت کاروائی کرنے پر بھارتی فوج کا شکریہ ادا کیا۔