ترال. سرچ آپریشن کے دوران دو افراد گرفتار

جنوبی کشمیر کے ترال علاقے میں آج فورسز نے ایک عسکری کمانڈر کے بھائی سمیت دو افراد کو گرفتار کر لیا ہے۔

اس ضمن میں ای ٹی وی بھارت کو معلوم ہوا ہے کہ آج صبح فورسز نے ایس او جی ترال کے ساتھ مشترکہ طور پر رٹھسونہ نامی گاؤں کا محاصرہ کر لیا اور بعد ازاں سخت تلاشی سلسلہ جاری رکھا۔

تاہم سہ پہر کو محاصرہ ختم کر لیا گیا لیکن فوج نے اپنے ساتھ دو افراد جن کی شناخت سیار احمد شاہ اور عادل احمد حجام ساکنہ رٹھسونہ کو گرفتار کر لیا ہے۔

بتا دیں کہ سیار احمد شاہ انصار الغزوۃ الہند کے مقامی کمانڈر امتیاز احمد شاہ کا بھائی ہے جسکی تلاش فوج کو ایک عرصے سے ہے۔

ادھراونتی پورہ پولیس نے برگ پوست کی غیر قانونی کاشت کرنے کے خلاف چار افراد کو گرفتار کر لیا ہے جن کے خلاف باضابطہ ایف آئی آر درج کیا گیا ہے۔