جنوبی کشمیر کے ضلع پلوامہ کے بنڈذو علاقے میں سکیورٹی فورسز اور عسکریت پسندوں کے درمیان تصادم میں دو عسکریت پسند اور ایک سی آر پی ایف ہلاک ہوگئے۔
پولیس کے مطابق علاقے میں عسکریت پسندوں کی موجودگی کی اطلاع موسول ہونے کے بعد فوج، سی آر پی ایف اور ایس او جی کیتٹیم نے بنڈزو علاقے کو محاصرے میں لیا اور تلاشی کارروائی شروع کی ۔
تلاشی کارروائی کے دوران عسکریت پسندوں نے سکیورٹی فورسز پر فائرنگ کی جس کے بعد دو طرفہ گولیوں کا تبادلہ شروع ہوگیا۔
پولیس کے مطابق تصادم میں دو عسکریت پسند اور ایک سی آر پی ایف جوان ہلاک ہوئے ہیں۔ ہلاک شدہ عسکریت پسندوں کی شناخت مولو چھتریگام کے رہنے والے اویس احمد بھٹ اور رام نگری کے اعجاز احمد گنائی کے طور پر ہوئی ہے۔ اویس شدت پسند تنظیم حزب المجاہدین جبکہ اعجاز جیش محمد سے وابستہ تھے۔ اویس نے 26 مارچ 2018 میں حزب المجاہدین جبکہ اعجاز نے 11 مئی 2020 کو جیش محمد میں شمولیت اختیار کی تھی۔
پولیس کا کہنا ہے کہ ہلاک شدہ عسکریت پشندوں کی لاشوں کے نزدیک دو اے کے 47 رایفلز برآمد کیے گئے ہیں-
وہیں اس دوران حکام نے ضلع پلوامہ میں انتڑنیٹ خدمات معطل کر دی ہے۔
واضح رہے کہ اتوار کے رو جموں وکشمیر کے دارالحکومت سرینگر کے زونی مر نامی علاقہ میں سکیورٹی فورسز اور عسکریت پسندوں کے درمیان مسلح تصادم میں تین عسکریت پسند ہلاک ہوئے تھے۔
مزید تفصیلات کا انتظا ہے۔
