وسطی کشمیر کے ضلع سرینگر میں نوگام بائی پاس کے قریب مشتبہ عسکریت پسندوں نے جمعہ کے روز پولیس پارٹی پر فائرنگ کردی۔ اس حملے میں دو پولیس اہلکار ہلاک جبکہ ایک دیگر زخمی ہوگئے۔
پولیس کے مطابق نامعلوم عسکریت پسندوں نے آج نوگام بائی پاس کے قریب پولیس پارٹی پر حملہ کیا۔
آئی جی پی کشمیر زون وجے کمار نے پولیس اہلکاروں کی ہلاکت کی تصدیق کی اور کہا کہ اس حملے میں جو تین پولیس اہلکار زخمی ہوئے تھے انہیں علاج کے لئے قریبی اسپتال منتقل کردیا گیا۔ تاہم دو پولیس اہلکاروں نے زخموں کی تاب نہ لا کر دم توڈ دیا۔
پولیس کے مطابق ہلاک شدہ پولیس اہلکارون کی شناخت اشفاق احمد اور فیاض احمد جبکہ زخمی اہلکار کی محمد اشرف کے طور پر ہوئی ہے۔
اس حملے کے فوری بعد سکیورٹی فورسز نے علاقے کو محاصرے میں لے لیا اور حملہ آوروں کی تلاش کے لئے بڑے پیمانے پر سرچ آپریشن شروع کیا گیا ہے۔
مزید تفصیلات کا اتظار ہے۔
