آبزرور ریسرچ فاونڈیشن کے فیلو کنچن گپتا نے بتایا کہ ٹوئٹر کے ٹائم لائنز پر جموں و کشمیر کو چین کا علاقہ بتایا ہے جبکہ انہوں نے اس مسئلہ پر شدید ردعمل کا اظہار کیا۔
انہوں نے وزیر ٹیلی کام روی شنکر پرساد کو ٹوئٹر پر ٹیاگ کرتے ہوئے لکھا کہ ’ٹوئٹر نے جغرافیہ کو بدلنے کا فیصلہ کیا ہے اور جموں و کشمیر کو چین کا علاقہ بتایا جارہا ہے، کیا یہ بھارتی قوانین کی خلاف ورزی نہیں ہے؟‘
اس مسئلہ پر سوشیل میڈیا پر بحث جاری ہے اور ٹوئٹر پر سخت تنقید کی جارہی ہے۔ بھارتی شہریوں کی جانب سے اس مسئلہ پر سخت غصے کا اظہار کیا جارہا ہے۔
واضح رہے کہ ٹوئٹر پر صارفین کو لوکیشن سروس استعمال کرنے کی سہولت رہتی ہے جس میں جموں و کشمیر لکھنے پر اسے پیپلز ریپبلکن آف چین کا حصہ دکھایا جارہا ہے۔ ٹوئٹر پر صارفین کو اپنے ٹویٹس کے ساتھ اپنے شہر کا ٹیگ لگانے کی سہولت دی جاتی ہے۔
