ترال میں سی پی ڈبلیوز کا خاموش احتجاج

محکمہ تعلیم میں کام کر رہے سی پی ڈبلیوز کی ایک بڑی تعداد نے آج دلناگ پارک ترال میں ایک خاموش احتجاج کر کے انتظامیہ تک اپنی بات پہنچانے کی کوشش کی۔

جموں وکشمیر کے ترال اور اونتی پورہ تعلیمی زونوں کے تحت کام کرنے والے سی پی ڈبلیوز نے آج صبح خاموش احتجاج کیا۔احتجاجی مظاہرین اپنے ہاتھوں میں بینر اٹھائے ہوئے تھے۔

فیاض احمد نامی ایک احتجاجی کارکن نے میڈیا کو بتایا کہ وہ گزشتہ کئی برسوں سے محکمہ تعلیم میں پچیس، پچاس اور ہزار روپے پر کام کر رہے ہیں اور خوش اسلوبی سے ڈیوٹی انجام دے رہے ہیں لیکن بدقسمتی سے انکی یہ قلیل تنخواہ بھی 2017سے روک لی گئی ہے جسکی وجہ سے ان کے اہل خانہ فاقہ کشی کا شکار ہو گئے ہیں۔

سی پی ڈبلیو کا مطالبہ ہے کہ ان کے مطالبات پر ہمدردانہ طور پر غور کیا جائے تاکہ ان کے مسائل جلد از جلد حل ہو جائے۔