وسطی کشمیر کے سرینگر کے رام باغ علاقے میں پیر کی صبح عسکریت پسندوں اور سیکیورٹی فورسز کے درمیان فائرنگ کے تبادلے میں دو عسکریت پسند ہلاک ہوگئے۔
پولیس نے ہلاک شدگان کی شناخت لشکر طیبہ تنظیم سے وابستہ عسکریت پسند سیف اللہ (جو پاکستانی ہے) اور ایک مقامی عسکریت پسند کے طور پر ہوئی ہے۔
بتادیں کہ رام باغ علاقے میں آج صبح انکاؤنٹر شروع ہوا تھا جہاں دو سے تین عسکریت پسندوں کے چھپے ہونے کا اندیشہ تھا۔
اس اطلاع کے بعد رام باغ علاقے میں سی آر پی ایف اور جموں و کشمیر پولیس کی مشترکہ کارروائی کی۔ اس کارروائی میں عسکریت پسندوں اور سیکیورٹی فورسز کی جانب سے گولیوں کا تبادلہ ہوا۔
ہلاک شدہ عسکریت پشندوں میں سے ایک کا تعلق پاکستان سے تھا جس کا نام سیف اللہ ہے۔ یہ پانچھا چوک علاقے میں حملے میں ملوث تھا جبکہ دوسرا عسکریت پسند جنوبی کشمیر کا مقامی باشندہ ہے۔ وسطی کشمیر کے سرینگر کے علاقے رام باغ میں پیر کی صبح عسکریت پسندوں اور سکیورٹی فورسز کے مابین فائرنگ کا تبادلہ ہوا'۔
پولیس کے مطابق کشمیر پولیس اور سی آر پی ایف کی مشترکہ ٹیم نے علاقے میں عسکریت پسندوں کی موجودگی کے بارے میں مخصوص اطلاع پر کورڈن اور سرچ آپریشن شروع کیا تھا۔
انہوں نے بتایا کہ جب فورسز کی مشترکہ ٹیمز مشتبہ مقام کی طرف پہنچی تو چھپے ہوئے عسکریت پسندوں نے ان پر فائرنگ کر دی جس پر جوابی کارروائی کی گئی اور انکاؤنٹر شروع ہو گیا۔
