بانڈی پورہ: راشن بلیک میں فروخت کرنے کا انکشاف

شمالی کشمیر کے ضلع بانڈی پورہ کے ارگام اجس علاقے میں پولیس نے سرکاری راشن کو غیر قانون طور پر فروخت کئے جانے کا انکشاف کیا ہے۔

بانڈی پورہ پولیس کو ملی خفیہ اطلاعات کے بعد انہوں نے ارگام علاقے میں فوڈ کارپوریشن آف انڈیا سے مارک شدہ راشن کو نجی تھیلوں میں بھر کر راشن کو بلیک میں فروخت کئے جانے کی منظم کوشش کو ناکام بنایا ہے-

پولیس نے اس غیر قانون دھندے میں ملوث دو افراد کو گرفتار کیا ہے جن کی شناخت سید مظفر وانی ساکن نادی ہل بانڈی پورہ اور بلال احمد ملک ساکن ماڈر بانڈی پورہ کے طور پر ہوئی ہے-

پولیس نے مذکورہ افراد کے خلاف ایک ایف آئی آر زیر نمبر 01/2020 u/s 409 درج کرکے مزید تحقیقات کر رہی ہے۔

دوسری جانب ضلع کے ڈپٹی کمشنر نے اس کاروائی کو مزید آگے بڑھاتے ہوئے علاقے میں موجود ایف سی آئی کے گودام کو بھی سیل کر دیا ہے۔