جموں و کشمیر پولیس نے شمالی کشمیر کے ضلع بانڈی پورہ میں تین نوجوانوں کو عسکریت پسندوں کی صف میں شامل ہونے سے روکنے کا دعوی کیا ہے۔
بانڈی پورہ پولیس نے ایک ٹویٹ میں بتایا کہ انہوں نے مشاورت، رہنمائی اور مدد کے ذریعہ تین نوجوانوں کو عسکریت پسندی میں شامل ہونے سے روکا ہے اور امن، ترقی اور کامیابی کی راہ پر ان کا استقبال کیا ہے۔
تاہم ایک سینئیر پولیس افسر نے میڈیا کو بتایا کہ ان نوجوانوں کی شناخت کو خفیہ رکھا گیا ہے۔
پولیس کے مطابق ان نوجوانوں کو پولیس اسٹیشن لے جایا گیا جہاں ان کے اہل خانہ کی موجودگی میں ان کی مناسب مشاورت کی گئی جس کے بعد انہیں ان کے اہل خانہ کے حوالے کردیا گیا۔
