عادل احمد ضلع اننت ناگ کے واگہامہ بجبہاڑہ علاقہ سے تعلق رکھنے والے ہیں ۔جو گزشتہ سال لشکر طیبہ نامی عسکریت پسند تنظیم میں شامل ہوئے تھے اور حال ہی میں انہوں نے اپنی تنظیم بدل کر آئی ایس جے کے میں شمولیت اختیار کی تھی۔
پولیس سے موصول اطلاع کے مطابق عادل گزشتہ شام ضلع اننت ناگ کے سرہامہ علاقہ میں عسکریت پسندوں کی دو جماعتوں کے مابین ہوئے تصادم کے دوران ہلاک ہوئے تھے۔ جس دوران عادل کا دو سرا ساتھی زخمی ہوا تھا جسے سکیورٹی فورسز نے گرفتار کرکے ہسپتال میں داخل کیا ہے ۔
کہا جارہا ہے کہ عادل احمد داس کی ہلاکت اُس وقت ہوئی جب لشکر طیبہ اور آئی ایس جے کے نامی دو عسکریت پسند تنظیموں میں آپسی رنجش کے سبب گولی باری کا تبادلہ ہوا تھا۔
جوں ہی عادل کی لاش اس کے آبائی گاؤں پہنچائی گئی تو وہاں پر سینکڑوں کی تعداد میں موجود لوگوں نے نعرے بازی کی۔
عادل کے جنازے میں کثیر تعداد میں لوگوں نے شرکت کی اور ان کی لاش کو پرنم آنکھوں سے سپرد خاک کیا ۔
