منڈی:مقامی باشندوں کا کہنا ہے کہ محکمہ جل شکتی کی توجہ اس جانب مبذول کرانے کی کوشش کی لیکن انہوں نے ہمارے مسئلے کو حل کرنے میں کبھی بھی دلچسپی نہیں دیکھائی۔غریب لوگوں کا مزاق بنایا جا رہا ہے۔ پینے کا صاف پانی مہیا کرنے کے پائیپ لائن کو ہی بند کردیا گیا۔
اس حوالے سے مقامی مقامی باشندوں نے سخت غم و غصہ کا اظہار کرتے ہوئے کہا کہ علاقہ کے لوگ کئی عرصہ سے گدنے نالے کا پانی استعمال کرتے آرہے ہیں۔ جس کو لیکر چند روز قبل اس متعلق متعلقہ محکمہ کے ملازمین کو گندے پانی کے متبادل صاف پانی فراہم کرنے کی گوہار لگائی گئی۔
انہوں نے کہاکہ بد قسمتی سے علاقہ کو جانے والی پائیپ لائن کو ہی بند کردیا گیا۔ اس کے سبب چار روز سے علاقے میں رہنے والے قریب دو سو کنبے پانی سے محروم ہیں۔ انہوں نے کہا کہ گاؤں اڑائی کے لیے محکمہ جل شکتی کی جانب سے "جل جیون مشن اسکیم" کے زیر اہتمام قریب چار کروڑ کے پروجیکٹ کا کام چل رہا ہے۔ جس کے تحت ہر گھر نل اور ہر گھر جل پہنچانا مقصود تھا۔
یہ بھی پڑھیں؛ڈی سی بڈگام کا کرافٹ ٹورازم ولیج کا خصوصی دورہ
ان کا کہنا ہے کہ علاقہ میں ابھی تک پائیپیں بچھانے کام بہت سست روی سے کیا جارہا ہے اور جو پائیپیں بچھائی گئی ہیں وہ بھی صحیح ڈھنگ سے نہیں پچھائی جارہی ہیں۔ جبکہ اس کے علاوہ ان وارڈوں کے لیے کوئی بھی پانی کا ٹینک تعمیر نہیں کیا گیا ہے۔
