دہلی میں پر کورونا متاثرین کی تعداد 12000 کے پار

دارالحکومت میں عالمی وبا کووڈ19  آہستہ آہستہ بھیانک شکل اختیار کرتا جارہاہے گزشتہ 24 گھنٹوں میں دہلی میں کورونا وائرس اور خوفناک ہو گیا اور ریکارڈ 660 نئے معاملے سامنے آنے سے انفیکشن متاثرین کی کل تعداد 12 ہزار سے تجاوز کر گئی اور مرنے والوں کی تعداد 14 بڑھ کر 200 کے اوپر پہنچ گئی ہے۔

ریاست کی وزارت صحت کی جانب سے جمعہ کو دی گئی اطلاع کے مطابق ریکارڈ 660 نئے معاملات کے ساتھ کل تعداد 12319 پر پہنچ گئی۔

دارالحکومت میں نئے متاثرین کی یہ تعداد اب تک ایک دن میں سب سے زیادہ ہے۔ اس دوران 14 مریضوں کی موت سے مرنے والوں کی کل تعداد 208 ہو گئی۔

ملک میں کورونا انفیکشن کے معاملے میں میٹرو شہر چوتھے مقام پر ہے۔ فی الحال وائرس کے فعال معاملے 6214 ہیں۔ دہلی میں سرگرم معاملات میں 169 انتہائی نگہداشت مرکز (آئی سی یو) اور 27 وینٹی لیٹر پر ہیں۔

اس دوران 330 مریض ٹھیک ہوئے اور اب تک 5897 مریض صحت مند ہو چکے ہیں۔