سی آر پی ایف کیمپ پر گرینیڈ حملہ

اس حملے میں کسی بھی اہلکار کے ہلاک یا زخمی ہونے کی اطلاع نہیں ہے۔

جموں و کشمیر کے ضلع بارہمولہ کے سوپور میں گزشتہ روز نامعلوم عسکریت پسندوں نے سی آر پی ایف کے 179 بٹالین کے کیمپ پر گرینیڈ داغا جو زور دار دھماکے کے ساتھ پھٹ گیا۔

سی آر پی ایف کے مطابق یہ گرینیڈ شام سات بجے پھینکا گیا۔ تاہم اس حملے میں کسی بھی اہلکار کے ہلاک یا زخمی ہونے کی اطلاع نہیں ہے۔

سکیورٹی فورسز اس دھماکے کے فوراً بعد متحرک ہوگئے اور انہوں نے علاقے میں سرچ آپریشن شروع کر دیا تھا۔