میٹرک امتحان میں کامیاب طلبا کی حوصلہ افزائی

شمالی کشمیر کے ضلع بارہمولہ کے سوپور قصبہ میں آج آرمی گوڈ ویل اسکول مازبگ میں ان بچوں کی حوصلہ افزائی کی گئی جن بچوں نے حال ہی میں میٹرک امتحان میں اچھی کارکردگی کا مظاہرہ کیا تھا۔

ای ٹی وی بھارت کے ساتھ بات کرتے ہوئے بچوں نے اپنے اساتذہ صاحبان کے ساتھ ساتھ اسکول ایڈمنسٹریشن کی تعریف بھی کی ۔

انہوں نے مزید کہا کہ جس طرح سے اس سال میٹرک امتحان میں اچھی کارکردگی اور کامیابی حاصل ہوئی ہے اسی طرح آگے آنے والے سبھی امتحانوں میں اس سے بہتر مظاہرہ کریں گے اور اپنے اسکول کے ساتھ ساتھ اپنے ملک کا نام روشن کریں گے۔

آخر پر بچوں نے اس بات پر زور دیا کہ جو بچے اسکول نہیں جاتے ہے یا غلط کاموں میں حصہ لیتے ہیں ان کو تعلیم حاصل کرنے کے لیے آگے آنا چاہیئے تاکہ وہ بھی اپنے ملک اور اپنے خاندان کا نام روشن کریں ۔