بجبہاڑہ: عدالت کے حکم کے بعد عامر احمد خان ہیرا نگر جیل سے رہا

جموں وکشمیر کے ضلع اننت ناگ کے مرہامہ بجبہاڑہ کے ساکن عامراحمد خان ہیرا نگر جیل سے رہا ہوگئے۔ جموں کی ہیرا نگر جیل میں بند عامر احمد خان کو جیل سے رہا کرنے کے بعد آج انہیں اچھ بل پولیس کے حوالے کردیا گیا ہے۔

حلقہ انتخاب بجبہاڑہ کے مرہامہ کے رہائشی عامر احمد خان گذشتہ ایک سال سے ہیرا نگر جیل میں بند تھے۔ ان کے خلاف پولیس نے عسکریت پسندی سے متعلق کئی سنگین مقدمہ درج کئے تھے، جس کے لیے 18 ULAP کے تحت ایف آئی آر نمبر 28/2019 کے تحت عامر احمد خان کے خلاف بجبہاڑہ پولیس اسٹیشن میں کیس درج کیا گیا تھا۔

عدالت نے ان کی نظربندی کو کالعدم کردیا تھا۔ آج انہیں جیل سے رہا کیا گیا اور مزید تفتیش کے لیے اچھ بل پولیس کے حوالے کر دیا گیا۔

اس حوالے سے ذرائع کا کہنا ہے کہ مذکورہ نوجوان کو رہا کر کے لواحقین کے حوالے کردیا جائے گا۔