شمالی کشمیر کے ضلع بارہمولہ کی تحصیل سوپور کے سوشل ویلفیئر کے دفتر این ایچ پی سی نے جسمانی طور پر معذور افراد کو مصنوعی اعضاء فراہم کرنے کے لئے ایک طبی کیمپ کا انعقاد کیا۔ اس کیمپ میں کثیر تعداد میں معذور افراد نے حصہ لیا۔
کیمپ میں جسمانی طورپر معذور افراد کا رجسٹریشن کر کے ان اعضاء کی پیمائش لے لی گئی ہے۔ سوشل ویلفیئر دفتر کے مطابق ان افراد کو دو ماہ بعد مصنوعی اعضاء فراہم کیا جا جائے گا۔
اس کیمپ میں سوپور کے علاوہ زینگیر کے معذوروں نے بھی اپنا نام اندراج کرایا ہے۔
ای ٹی وی بھارت کے ساتھ بات کرتے ہوے محکمہ سوشل ویلفیئر کے تحصیل آفیسر فیاض احمد لون نے بتایا کہ آج سوپور اور زینگیر کے ساتھ تعلق رکھنے والے معذور افراد نے اپنا نام درج کرایا ہے، جنہیں واقعی ان اعضاء کی ضرورت ہے۔ مصنوعی اعضاء کی مدد سے ان کی محتاجی کم ہو جائے گی۔ عام لوگوں کی طرح یہ زندگی سے لطف ا ندوز ہو سکیں گے۔ یہ لوگ بھی با آسانی اپنے ہاتھ اور پاؤں سے اپنے امور کو انجام دے سکیں گے۔
اس کیمپ کے تحت تقریباّ 120 لوگوں نے اپنا نام درج کروایا۔ انہوں نے مزید کہا کہ کہ تقریباّ دو ماہ بعد بعد ان لوگوں کے درمیان مصنوعی اعضاء تقسیم کیے جائیں گے۔
