ادھر جموں کشمیر کے ضلع ادھمپور میں جہاں ایک طرف ضلع انتظامیہ لوگوں سے سماجی فاصلے بنائے رکھنے کی اپیل کر رہی ہے اور ساتھ ہی کورونا وائرس کے خاتمہ کے لئے جاری مہم میں اپنا تعاون پیش کرتے ہوئے انتظامیہ کی مدد کرنے کی درخواست کی جا رہی ہے۔ تو وہیں دوسری جانب گذشتہ دنوں ضلع انتظامیہ کی جانب سے ضروری اشیا کی خریداری کے لئے دی گئی ڈھیل کا فائدہ اٹھا تے ہوے لوگوں نے سماجی فاصلے کو بالائے طاق رکھ کر اشیا کی خریداری کی ۔
شہر کے مختلف چوک چوراہوں کا کچھ ایسا ہی منظر تھا۔ لوگ اپنے چھوٹے چھوٹے بچوں کو ساتھ لے کر اپنے گھروں سے باہر ایسے نکلے کہ گویا مہلک وبا کورونا وائرس مکمل طور پر ختم ہو چکا ہے ۔
اس کے علاوہ دیگر شہروں کے چوک چوراہوں پر لوگوں کے ہجوم کو دیکھ کر ایسا لگ رہا تھا کہ گویا کسی بڑی تقریب میں شامل ہونے جا رہے ہوں ۔
ہر شخص اس بات سے بخوبی واقف ہے کہ کورونا کا قہر عالمی پیمانہ پر جا ری ہے ۔اور اس سے بچنے کے لئے سماجی فاصلے پر عمل آوری ضروری ہے ۔
ضلع انتطامیہ کی جا نب سے وقتا فوقتا لوگوں سے سماجی فاصلے بنائے رکھنے کی مسلسل اپیلیں کی جا رہی ہیں ۔
مگر اس کے با وجو د اس طرح سماجی فاصلے کو نظر انداز کرنا ضلع انتظامیہ کے لئے لمحہ فکریہ ہے
