وادی کشمیر میں برف کا قہر جاری، انتظامیہ سست؟

وادی کشمیر میں برف باری کا قہر تو لوگوں کو پریشان کر ہی رہا ہے۔ وہیں محکمہ سڑک اور تعمیرات (آر اینڈ بی ) کے کام نے لوگوں کو مشکلات میں ڈالا  ہے۔'

عوام نے محکمہ سڑک اور تعمیرات کے دفتر کے سامنے دھرنا دے کر محکمہ کے خلاف زوردار احتجاج کیا۔

ضلع کے کئی علاقوں کو جوڑنے والی سبھی سڑکوں پر برف کی چادر بچھ گئی اور یہ برف سڑک سے نہیں اٹھایا جا رہا، جس کو لیکر عوام نے محکمہ کے خلاف سراپا احتجاج کیا۔

خیال رہے کنگن کے اکھال علاقے سے ایک خاتون کو ہسپتال پہنچانے میں کئی گھنٹوں کی محنت اور مشقت کرنی پڑی جس کے بعد لوگوں نے احتجاج کیا۔

احتجاج کے فوراً بعد علاقے کے تحصیلدار اور اعلیٰ پولیس افسران موقع پر پہنچ کر مظاہرین کو ہر ممکن مدد کرنے کا یقین دہانی کی۔

وہیں انہوں نے احتجاجی افراد کو فوراً ایمبولینس مہیا کرایا جس کے بعد لوگوں نے احتجاج کو ختم کیا۔

اس سلسلے میں مظاہرین نے الزام عائد کیا ہے کہ محکمہ نے سڑک سے برف کو نہیں ہٹایا، جس کے سبب سڑک پر چلنا مشکل ہوا اور بیمار لوگوں کو 21 ویں صدی میں کندھوں پر اٹھا کر ہسپتال پہنچایا جاتا ہے۔