تاریخی مغل شاہراہ سے برف ہٹانے کا کام جاری

جموں و کشمیر کے بالائی علاقوں اور پیر پنچال میں پیر کے روز تازہ برفباری ہوئی تھی۔

پونچھ اور راجوری اضلاع کو براہ راست کشمیر سے جوڑنے والی تاریخی مغل روڈ پر بھاری برفباری کے بعد برف ہٹانے کا عمل جاری ہے جس میں متعدد نوعیت کی مشینوں کو استعمال میں لایا جارہا ہے۔

مقامی انتظامیہ کے ایک اعلی افسر نے بتایا کہ ''ہم نے تاریخی مغل شاہراہ جو پونچھ و راجوری اضلاع کو وادی کے ساتھ جوڑتی ہے پر برف ہٹانے کا عمل شروع کیا گیا ہے۔'

واضح رہے کہ گزشتہ روز جموں و کشمیر کے پہاڈی علاقوں میں بھاری برف باری کی وجہ سے شاہراہ کو ٹریفک کی آمدورفت کے لیے بند کر دیا گیا تھا۔

محکمہ موسمیات (آئی ایم ڈی) کے مطابق جموں میں زیادہ سے زیادہ درجہ حرارت 20.3 ڈگری سینٹی گریڈ ریکارڈ کیا گیا جبکہ پیر کو کم سے کم درجہ حرارت 12.6 ڈگری سینٹی گریڈ رہا۔