شمالی کشمیر کے ضلع کپواڑہ کے ہندواڑہ قصبے میں پولیس نے شدت پسند تنظیم لشکر کے چھ بالائی ورکرز(او جی ڈبلیو) کو گرفتار کرنے کا دعوی کیا ہے۔
پولیس ذرائع نے بتایا کہ' ایک خفیہ اطلاع ملنے پر ہندوارہ پولیس، ایس او جی اور فوج کے 21اور30آرآر کی مشترکہ ٹیم نے جمعہ کی صبح چوگل ہندوارہ اور لنگیٹ علاقوں کو محاصرے میں لیا اور تلاشی مہم شروع کی تھی۔
پولیس کے مطابق تلاشی کارروائی کے دوران چوگل میں چار اور لنگیٹ شالپورہ علاقے میں دو عسکریت پسندوں کے معاون کو گرفتار کیا گیا ۔
انہوں نے کہا کہ گرفتار شدگان میں سے دو شدت پسند تنظیم لشکر طیبہ کے وابستہ عسکریت پسند ہے جبکہ چارمعاون کے طور پر کام کررہے ہیں۔ ان کے قبضے سے باری مقدار میں اسلحہ اور گولہ بارود برآمد کیا گیا۔
ایس پی ہندوارہ نے اس کی تصدیق کرتے ہوئے بتایا کہ ہندوارہ میں مزید اور گرفتاریاں متوقع ہے پولیس نے اس سلسلے میں کیس درج کرکے مزید تفتیش شروع کردی ہے ۔۔
