شوپیان: مرکز کے زیر انتظام یوٹی جموں و کشمیر ضلع شوپیان میں ضلع انتظامیہ نے کولگام سے آنے والی مہاتما گاندھی شانتی یاترا کا استقبال کیا اور اس امن جلوس کی قیادت کرنے والے نوجوانوں کے ہاتھوں میں مشعل سونپا۔اس سلسلے میں گاؤں سہہ پورہ میں ایک تقریب کا انعقاد کیا گیا۔ جہاں چیف ایجوکیشن آفیسر کولگام نے گاندھی مشال کو سی ای او شوپیان مشتاق احمد کے حوالے کیا۔ اس تقریب میں محکمہ تعلیم اور پولیس کے افسران بشمول پرنسپلز، ہیڈ ماسٹرز اور دونوں اضلاع کے اساتذہ اور طلبہ نے شرکت کی۔
اس دوران بتایا گیا کہ دو اکتوبر تک جسے عدم تشدد کا عالمی دن قرار دیا جاتا ہے، امن، رواداری، افہام و تفہیم اور عدم تشدد کے کلچر کو محفوظ بنانے کے مقصد سے ضلع شوپیاں میں مختلف تقریبات کا انعقاد کیا جائے گا۔ مہاتما گاندھی کے پیغام کو عوام تک پہنچایا جائے گا۔ اس اقدام کو اسکولوں کے ساتھ ساتھ عام لوگوں کی طرف سے زبردست ردعمل ملا۔ کیونکہ طلبہ نے یاترا میں بڑے جوش و خروش کے ساتھ حصہ لیا۔
یہ بھی پڑھیں: Hockey Tournament پلوامہ میں صوبائی سطح کا ہاکی ٹورنامنٹ کا انعقاد
واضح رہے کہ گاندھی جینتی سے قبل جموں وکشمیر محمکہ تعلیم نے ایک شانتی مشعل یاترا کا انعقاد کیا جو رواں سال کی 8 ستمبر کو پرنسپل سیکرٹری تعلیم آلوک کمار نے گورنمنٹ گرلز ماڈل ہائیر سیکنڈری سکول رانی باغ اننت ناگ’ سے شانتی یاترا۔ 2023 کو جھنڈی دکھا کر روانہ کیا اور یہ یاترا یوٹی کے مختلف علاقوں سے گزر کر امن کا پیغام دے گی۔
