پولیس ذرایع کے مطابق جنوری 12 اور13 کی درمیان شب کو نامعلوم چوروں نے ضلع رامبن کے اکھڑہال میں چھ دوکانوں کے تالے توڑ کر نقدی اور سامان جن میں لیپ ٹاپ، موبائل فونز اور دیگرے قیمتی چیزیں چرانے میں کامیاب ہو گیے تھے۔
اس سلسلے میں تھانہ پولیس رامسو میں ایک معاملہ 03/2020 زیر دفعہ 457/380 درج کرکے ایس ایس پی رامبن انیتا شرما نے حکم پر زیرنگرانی ایس ڈی پی او بانہال سجاد سرور، انچارج پولیس چوکی اکھڑہال دپک کٹوچ اور دیگر افسران پر مشتمل ٹیم تشکیل دی۔
جدید ٹیکنالوجی کا استعمال کر کے ضلع ادھمپور سے چوروں کو گرفتار کرکے ان سے چوری کی گئی جیزیں برآمد کر کے انہیں حوالات میں بند کر دیا ہے اور تحقیقات شروع کردی ہے۔
بتایا جارہا ہے کہ گرفتار شدہ چوروں کی اس سے قبل ہی تلاشی جاری تھی، جن کی شناخت نیک چند ولد چین سنگھ ساکنہ مالا ادھمپور، پرکاش سنگھ ولد ہرنام سنگھ ساکنہ پنچاری ادھمپور، پون سنگھ ولد موہن سنگھ ساکنہ ٹیکری ادھمپور، راجو یادو ولد نائکی یادو ساکنہ اترپردیش حال ریلوے اسٹیشن ادھمپور، گلشان احمد ولد محمد منشی ساکنہ ڈھڑماڑی ریاسی اور پروین چند ولد سبھاش چند ساکنہ چہنہنی ادھمپور کے طور پو ہوئی۔
عوام نے پولیس کی اس کاروائی کی ستائش کی۔
