سوپور کے سیلو اور نور باغ میں سرچ آپریشن

ضلع بارہمولہ کے سوپور کے سیلو اور نور باغ علاقے میں سکیورٹی فورسز کی جانب سے تلاشی کارروائی شروع کردی گئی ہے۔

سوپور: شمالی کشمیر کے ضلع بارہمولہ کے سوپور کے سیلو اور نور باغ علاقے میں سکیورٹی فورسز کی جانب سے تلاشی کارروائی شروع کردی گئی ہے۔

ذرائع کے مطابق عسکریت پسندوں کی موجودگی کی اطلاع موصول ہونے کے بعد فوج، سی آر پی اور ایس او جی کی مشترکہ ٹیم نے سیلو اور نور باغ کے علاقے کو محاصرے میں لیا اور تلاشی کاروائی شروع کی۔

ذرائع کے مطابق علاقے کے تمام داخلی اور خارجی راستوں پر پہرے بٹھا دئیے گئے ہیں اور گھر گھر تلاشی کارروائی کا سلسلہ بھی جاری ہے جبکہ کسی بھی فرد کو گھر سے باہر نکلنے کی اجازت نہیں دی جا رہی ہے۔

آخری اطلاع ملنے تک تلاشی کاروائی جاری تھی۔ مزید تفصیلات کا انتظار ہے۔