گریز: سرحد پر کشیدگی کی وجہ سے رہائشیوں کو نقصان

گریزمیں سرحد پار سے ہونے والی گولہ باری سے چار رہائشی مکان گورنمنٹ ہائی اسکول اور ایک مدرسے کو نقصان پہنجا ہے۔ نقصانات کا جائزہ لینے کے لیے آج ایس ڈی ایم ایس ڈی پی او تہسیل دار بی ڈی سی جیئرمین نے اس علاقوں کا دورہ کیا۔

شمالی کشمیر کے بانڈی پورہ ضلع کے گریز علاقے بگٹور میں لائن آف کنٹرول پر گولہ باری کی وجہ سےایک گورنمٹ اسکول اور مدرسے سمیت چھ ڈھانچوں کو جزوی نقصان پہنچا ہے۔

سرکاری ذرائع نے بتایا کہ پاکستانی فوجیوں نے گذشتہ شام تربال کے علاقے میں بلا اشتعال گولہ باری کی جس کے دوران کم از کم 4 رہائشی مکانات ، گورنمنٹ ہائی اسکول اور ایک مدرسے کو جزوی نقصان پہنچا ہے۔

گولہ باری کی وجہ سے جہاں لوگوں میں خوف و دہشت کا ماحول بنا ہوا ہے وہیں اس گولہ باری کے زد میں گورنمنٹ ہائی اسکول تربال کو کافی نقصان پہچا ہے۔

ذرائع کا مزید کہنا تھا کہ پاکستانی فورسز نے گذشتہ شام ایل او سی کے ساتھ جنگ ​​بندی کی خلاف ورزی کی اور تربل کے علاقے میں دفاعی مقامات کو نشانہ بنایا۔

بھارتی فوج گولہ باری کا جواب بخوبی دے رہے ہیں۔ایک پولیس افسر نے بتایا کہ گولہ باری سے کچھ رہائشی مکانات کو جزوی طور پر نقصان پہنچا ہے۔تاہم انہوں نے یہ بھی کہا کہ گولہ باری کے دوران کسی جانی نقصان یا زخمی ہونے کی اطلاع نہیں ہے