واضح رہے کہ گزشتہ دنوں سارہ پائلٹ نے عمر عبداللہ پر پبلک سیفٹی ایکٹ کے تحت نظربندی کو چلینج کرتے ہوئے سپریم کورٹ میں عرضی دائر کی تھی۔
خبر رساں ایجنسیز کے مطابق جسٹس موہن ایم شانتانا گودار نے اس معاملے سے خود کو الگ کر دیا ہے۔ اب اس معاملے کی سماعت سپریم کورٹ کا نیا بنچ کرے گا۔
سارہ پائلٹ نے کہا تھا کہ ' عمر عبداللہ پر پی ایس اے کا اطلاق کرنا غیر قانونی ہے اور ان کے آزاد رہنے سے امن و امان کو خطرہ نہیں ہے۔'
واضح رہے کہ گذشتہ دنوں حکام نے سابق وزرائے اعلی عمر عبداللہ اور محبوبہ مفتی کے خلاف پبلک سیفٹی ایکٹ (پی ایس اے ) عائد کیا تھا تاکہ انکی مدت نظربندی طویل کی جاسکے۔
