جنوبی کشمیر کے ضلع کولگام سے تعلق رکھنے والے درجنوں لکڑی کے کار خانے چلانے والے افراد نے ضلع ترقیاتی کمشنر کے گیٹ پر دھرنا دیا اورنعرے لگائے۔اس دوران احتجاجیوں نے انصاف دو انصاف کے نعرے بلند کیے۔
احتجاجیوں نے الزام عائد کیا کہ ضلع انتظامیہ کی طرف سے انہیں ایک نوٹس دیا گیا ہے کہ آپ اپنے کار خانے بند کرو۔جس کی بنیاد پر وہ دھرنے پر اُتر آئے ہیں۔
دراصل انہیں محکمہ جنگلات اور محکمہ مال کی طرف سے یہ کہا گیا کہ جن افراد کے کارخانے جنگلاتی اراضی کے نزدیک ہیں، اس کا کار خانہ بند کیا جائے گا۔
انہوں نے ضلع انتظامیہ کولگام سے اپیل کی کہ اُن کو معقول وقت دیا جائے۔
انہوں نے کہا کہ انہوں نے بینکوں سے قرضہ لیا ہے اور کارخانے بند کرنے سے ہزاروں افراد فاقہ کشی پر آجائیں گیے۔
واضح رہے کہ انتظامیہ نے کئی عرصے قبل اس بات کا ذکر کیا تھا کہ کوئی بھی فرد جنگل کے نزدیک یعنی آٹھ کلو میٹر کی دوری پر لکڑی کا کارخانہ نہیں کھول سکتا ہے۔
