چیف میڈیکل افسر پلوامہ ڈاکٹر حسینہ میر نے اس سلسلے میں بتایاکہ ان دونوں افراد نے بخار ہونے کی شکایت کی ہے جس کے بعد احتیاطی طور ان دونوں افراد کے نمونے لے کر اُن نمونوں کو ٹیسٹ کے لیے بھیجا گیا ہے تاکہ کرونا واٸرس جیسی مہلک بیماری کا کوٸی اثر تو نہیں ہے۔
انہوں نے کہا کہ ان دو افراد میں سے ایک شخص کو احتیاطی طور سرینگر کے اسپتال میں رکھا گیا ہے جبکہ دوسرے شخص کا ٹیسٹ منفی آیا ہے ۔
میڈیکل افسر نے مزید کہا کہ ہمارے ضلع میں ابھی تک 332 مسافر دنیا کے مختلف ممالک سے لوٹ کر واپس آئے ہیں جن میں سے بیشتر لوگوں کے ٹیسٹ منفی آئے ہیں۔تاہم کچھ لوگوں کے ٹیسٹ آنے ابھی بھی باقی ہے جن کے بارے میں یہی امید جتائی جارہی ہے کہ سب لوگوں کے ٹیسٹ ٹھیک ہونگے۔
چیف میڈیکل افسر نے کہا کہ' انہوں نے ایک اسپتال میں ایک الگ وارڈ قائم کیا ہے اس کے علاوہ انہوں نے ہیلپ لاٸن نمبرات بھی جاری کر دئے ہیں تاکہ لوگوں کو پریشانی سے دوچار نہ ہونا پڑے۔انہوں نے مزید کہا کہ لوگوں کو احتیاط برتنا چاہیے لیکن گھبرانے کی کوٸی ضروت نہیں ہے۔
