کانگریس رہنما پرینکا گاندھی کے شوہر اور بزنس مین رابرٹ واڈرا نے آرٹیکل 370 کی منسوخی کے سلسلے میں طنز اور مزاح کے طور پر بنائے جانے والے میمز کی مذمت کی ہے۔
واڈرا نے سوشل میڈیا صارفین سے جموں و کشمیر کے عوام کے جذبات کو مدنظر رکھ کر قابل اعتراض میمز نہ بنانے کی اپیل کی ہے۔
سوشل میڈیا پر آئے دنوں جموں و کشمیر کے معاملے پر میمز بنائے جا رہے ہیں، مثلاً دفعہ 370 کی منسوخی کے بعد جموں و کشمیر میں زمین خریدی جا سکتی ہے۔
اپنے فیس بک پوسٹ کے ذریعے رابرٹ واڈرا نے کہا کہ 'کسی کے جذبات کو ٹھیس پہنچانا غلط ہے، ہم ایسے ملک میں رہتے ہیں جہاں تمام شہریوں کو برابری کا درجہ دیا جاتا ہے۔'
