مولوی فاروق اور عبدالغنی لون کی برسی پر وادی میں پابندیاں سخت

وادی کشمیر میں میر واعظ مولوی فاروق اور خواجہ عبد الغنی لون کی برسی منائی جا رہی ہے۔ وہیں کورونا کرفیو کا نفاذ بھی جاری ہے مگر آج بندشوں میں کچھ حد تک سختی کی گئی ہے اور لوگوں کو آمد و رفت کی اجازت نہیں دی جا رہی ہے۔

وادی کشمیر میں میر واعظ مولوی فاروق اور خواجہ عبد الغنی لون کی برسی منائی جا رہی ہے۔

وہیں کورونا کرفیو کا نفاذ بھی جاری ہے مگر آج بندشوں میں کچھ حد تک سختی کی گئی ہے اور لوگوں کو آمد و رفت کی اجازت نہیں دی جا رہی ہے۔

معلوم ہوکہ میر واعظ مولوی عمر فاروق کو آج ہی کے دن 1990 میں بندوق برداروں نے گولی مار کر قتل کردیا تھا۔ سال 2002 میں عبد الغنی لون جب مولوی عمر فاروق کو خراج عقیدت پیش کر رہے تھے تو انہیں شہید کردیا گیا۔ سینئر حریت لیڈر و صدر انجمن شرعی شیعان آغا سید حسن نے ان کی برسی پر خراج عقیدت پیش کیا ہے۔

سید حسن نے کہا کہ میر واعظ خانوادہ نے دین و سیاست دونوں محاذوں پر کشمیری عوام کی رہنمائی کی اور ہر قسم کے سخت و سنگین حالات میں بھی اپنے مشن کی طرف گامزن رہے۔

وہیں عبد الغنی لون کو خراج عقیدت پیش کرتے ہوئے آغا سید حسن نے کہا کہ وہ ایک دور اندیش اور معلم، فہم سیاست دان تھے۔

انہوں نے کہا کہ ان کی جرات مندی اور دو ٹوک الفاظ میں اظہار ان کی منفرد خصوصیت تھی اور ان کی موت سے مزاحمتی خیمے میں خلا پڑ گیا۔