پڑھنے لکھنے کا شوق رکھنے والے بچوں کے لیے پروگرام

اس تیز رفتار دور میں ایک طرف جہاں موبائل اور انٹرنیٹ کا استعمال عام ہو گیا ہے تو دوسری طرف خاص طور سے طلبا و طالبات میں پڑھنے لکھنے کے تعلق سے دلچسپی بھی کم ہوتی نظر آ رہی ہے۔

جس کی وجہ سے طلبا کو اکثر بات چیت کرنے اور لکھنے میں دشواری پیش آتی ہے۔

جس کے مد نظر اسلامک اسٹڈیز نامی تنظیم کی جانب سے جموں و کشمیر کے ضلع پلوامہ میں دو روزہ تربیتی پروگرام منعقد کیا گیا۔ اس میں کتب بینی اور لکھنے کا شوق رکھنے والے پچاس طلبا نے شرکت کی۔

اس ورکشاپ میں انہیں جدید دور کے تقاضوں کے مطابق لکھنے اور پڑھنے کے بارے میں جانکاری فراہم کی گئی۔

ورکشاپ میں حصہ لینے والے طلبا میں اسناد اور مومنٹو بھی تقسیم کیے گئے۔

اس موقعے پر شرکاء نے کہا کہ 'یہ سیمینار ان کے لیے کافی فائدہ مند ثابت ہوا اور یہ خواہش ظاہر کی کہ ایسے پروگرامز آئندہ بھی ہر تعلیمی ادارہ میں منعقد کرائے جانے چاہیے۔'