جموں و کشمیر کی کرکٹ ٹیم رانجی ٹرافی کے کوارٹر فائنل سے باہر ہو گئی ہے۔ جموں کے گاندھی میموریل سائنس کالج میں جموں و کشمیر کرکٹ ٹیم اور کرناٹک کرکٹ ٹیم کے درمیان کھیلے گئے رانجی ٹرافی کے کوارٹر فائنل میچ میں کرناٹک کی ٹیم نے جموں و کشمیر کی ٹیم کو پہلی اننگ میں حاصل کی گئی برتری سے ہرا کر مقابلے سے باہر کردیا۔
جموں و کشمیر کرکٹ ٹیم رانجی ٹرافی سے باہر
کرناٹک کی ٹیم نے پہلی باری میں 206 رن بنائے۔ کے وی سدھارتھ نے سب سے زیادہ رن بنائے۔ انہیں جموں کشمیر ٹیم کے کپتان پرویز رسول نے آوٹ کیا۔
جموں و کشمیر کی ٹیم پہلی باری میں 192 رنز پر سمٹ گئی تھی اور کرناٹک کو 14 رنز کی برتری حاصل ہوئی۔
کرناٹک نے دوسری اننگ میں 316 رن بنائے اور جموں و کشمیر کی ٹیم کو 331 رنز کا ہدف دیا۔ تاہم جموں و کشمیر کی ٹیم 163 رن ہی بنا پائی۔
کرناٹک کرکٹ ٹیم نے 167 رنز سے جیت درج کی۔
