وادی کشمیر میں پھر بارش اور برفباری

وادی کشمیر کے میدانی علاقوں میں بارش اور پہاڑی علاقوں میں ہلکی برفباری کی وجہ سے درجہ حرارت میں نمایاں کمی واقع ہوئی ہے۔

محکمہ موسمیات کی پیش گوئی کے مطابق جمعرات تک برف اور بارشوں کا سلسلہ جاری رہے گا۔

واضح رہے کہ دو روز قبل ہی وادی میں تین ماہ کی چھٹی کے بعد اسکول کھلے ہیں اور بعض مقامات پر اسکولوں کی طرف جانے والے راستے حتیٰ کہ اسکولوں کے صحن بھی برف سے ڈھکے ہوئے ہیں۔

مزید بارش اور برفباری کی وجہ سے اسکولی بچوں کو کافی مشکلات کا سامنا کرنا پڑتا ہے۔