بانڈی پورہ میں ابھی تک سڑکوں سے برف نہیں ہٹائی گئی

سُمبل سوناواری، حاجن، نائد کھائے و دیگر علاقوں میں اندرونی سڑکوں سے ابھی تک برف نہیں ہٹائی گئی ہے جس کی وجہ سے طلبا، ملازمین اور مریضوں کو مشکلات کا سامنا ہے۔

شمالی کشمیر کے ضلع بانڈی پورہ کے قصبہ سُمبل سوناواری اور اس سے ملحقہ علاقوں میں تین دنوں کے بعد بھی سڑکوں سے برف نہیں ہٹائی گئی ہے جس کے نتیجے میں لوگوں کو سخت دقتوں کا سامنا کرنا پڑ رہا ہے۔

سُمبل سوناواری، حاجن، نائد کھائے و دیگر علاقوں میں اندرونی سڑکوں سے ابھی تک برف نہیں ہٹائی گئی ہے جس کی وجہ سے طلبا، ملازمین اور مریضوں کو مشکلات کا سامنا ہے۔

مقامی لوگوں کے مطابق متعلقہ محکمہ لوگوں کی مشکلات کا ازالہ کرنے میں ناکام ہوچکا ہیں۔

خیال رہے وادی کشمیر میں سوموار سے برف اور بارش کا سلسلہ جاری ہے جس کے نتیجے میں معمولات زندگی برہم برہم ہوکر رہ گئی ہے۔

اس ضمن میں جب ای ٹی وی بھارت کے نمائندہ نے محکمہ آر اینڈ بی سمبل کے ایگزیکٹیو انجینئر شیخ ایوب سے رابطہ کیا تو انہوں نے اس بات کا اعتراف کرتے ہوئے کہا کہ 'سڑکوں سے برف ہٹانے کے عمل میں چونکہ میکانکل ڈیوژن کا اہم رول ہوتا ہے لیکن بدقسمتی سے ان کی جانب سے انہیں کوئی تعاون نہیں دیا گیا جس کی وجہ سے کئی علاقوں میں برف ہٹانے کا کام متاثر ہوا ہے۔

انہوں نے یقین دلایا کہ آئندہ 24 گھنٹوں تک ضلع کی تمام سڑکوں کو قابل آمد و رفت بنایا جائے گا۔