ضلع پلوامہ کا پتل باغ پانپور گاؤں آرگینک ایگریکلچر گاؤں ہے جہاں کے بیشتر لوگ مختلف موسموں میں مختلف سیزیاں اگا کر بازاروں میں فروخت کرکے اپنا روزگار چلاتے ہیں۔
گاؤں میں آج سے مٹر کی سبزی اُٹھانے کا موسم شروع ہو گیا ہے جس کی آج ناظم زراعت کشمیر محمد اقبال چودھری نے باضابطہ طور شروعات کی ہے۔ناظم زراعت نے کہا کہ وہ کسانوں کو مٹر سبزی فروخت کرنے کے لۓ مارکیٹنگ کے ساتھ ساتھ دوسری ضروری سہولیات فراہم کرنے کی بھرپور کوشش کرینگے۔
شعبہ زراعت ہماری اقتصادیت میں بڑی اہمیت کی حامل ہے۔ اس لئے ہم اس صنعت کو آگے بڑھانے کے لۓ کسانوں کو ہر طرح کی سہولیات فراہم کرنے کے لۓ وعدہ بند ہے۔کسانوں نے کہا کہ وہ محکمہ زراعت کے شکر گزار ہیں جنہوں نے اس بار ان کسانوں کے لۓ کاروباریوں کو تیار کر رکھا ہے۔
لاک ڈاؤن کی وجہ سے انہیں مشکلات ہو سکتے تھے لیکن انتظامیہ نے اُن کے لۓ معقول انتظامات کئے ہیں، جس سے انہیں اچھی قیمت مل رہی ہے۔
