مظاہرین میں شامل لوگوں نے محکمہ کے خلاف الزامات عائد کرتے ہوئے کہا کہ پردھان منتری کسان اسکیم میں محکمہ نے بدعنوانی سے کام لیا-
یہ مظاہرہ سمبل سب ضلع اگریکلچر دفتر کے باہر کیا گیا- احتجاج میں شامل مظاہرین کا کہنا تھا کہ پردھان منتری اسکیم کے تحت شلوت اور رکھ شلوت علاقوں میں مبینہ طور پر رشوت یا سیاسی اثر و رسوخ رکھنے والے کسانوں کو شامل کیا گیا لیکن مستحق کسانوں کو نظرانداز کیا گیا-
انہوں نے کہا کہ اس اسکیم کے تحت سمبل تحصیل میں بڑے پیمانے پر بدعنوانی سے کام لیا گیا ہے جس کی تحقیقات کرانے کا وہ مطالبہ کرتے ہیں۔
ادھر ای ٹی وی بھارت نے ضلع اگریکلچر افسر فاروق احمد سے رابطہ کیا تو انہوں نے ان الزامات کو یکسر مسترد کرتے ہوئے کہا کہ اس میں اصل مسئلہ تاخیر کا ہے چونکہ آدھار و دیگر ضروری کاغذات میں کچھ مشکلات کی وجہ سے تاخیر ہوگئی جس کی وجہ سے یہ کسان احتجاج پر اتر آئے، تاہم انہوں نے اس بات کی یقین دہانی کی کہ ان کسانوں کو بھی جلد شامل کیا جائے گا۔
