مقامی لوگوں اور ٹرانسپورٹرس نے قلم آباد مارکیٹ میں اس وقت اپنا احتجاج درج کیا جب بیکن حکام کے چیف انجینئر نے نوگام ماور کا دورہ کیا اور یہاں بیکن کی جانب سے سڑکوں پر جاری کاموں کا جائزہ لیا۔
اس دوران مقامی لوگوں اور ٹرانسپورٹرز نے 99 آر سی سی بیکن کے خلاف احتجاج کرتے ہوئے کہا کہ مذکورہ سڑک پر پچھلے دس برس سے چل رہے کام میں کوئی تیزی نہیں لائی جارہی ہے جس کے سبب ٹرانسپورٹرز کے ساتھ ساتھ مسافروں کو شدید مشکلات کا سامنا کرنا پڑرہا ہے۔
احتجاجی افراد نے بیکن حکام پر الزام عائد کرتے ہوئے کہا کہ ان سڑکوں پر ناقص مٹریل ڈالا جارہا ہے جس کی وجہ سے کچھ ہی مہینوں کے بعد یہ سڑکیں کھنڈارت میں تبدیل ہوجاتی ہے۔
انہوں نے کہا کہ یہ میگڈیم سرینگر سے لایا جارہا ہے، تقریباً دوسو کلو میٹر دور سے یہ میگڈیم لایا جارہا ہے جو یہاں نوگام تک کافی ٹھنڈا ہوجاتا ہے۔ جبکہ جا نکاروں کے مطابق میگڈم کا ٹمپریچر 180 ڈگری ہونا چاہئے لیکن یہاں تک پہچانے تک 40 ڈگری رہ جاتا ہے جو ڈالنے کے قابل نہیں رہتا لیکن بیکن حکام اسی کو ادھر ادھر کر کے سڑکوں پر ڈال رہے ہیں جس سے کچھ مہینے بعد ہی یہ اکَھڑ جائے گا۔
لوگوں نے گورنر انتظامیہ سے مطالبہ کیا کہ اگلے مہینے کے اندر اندر سڑک مذکورہ پر کام تیز رفتاری سے شروع ہونا چاہیے تاکہ لوگوں کے جو مشکلات ہے وہ دور ہوسکے۔
