کورونا وائرس کے بڑھتے خطرات کے پیش نظر ملک کے دیگر ریاستوں کے ساتھ ساتھ وادی کشمیر میں بھی لاک ڈاؤن جاری ہے۔ اس دوران انتظامیہ کی جانب سے لوگوں کو گھروں میں ہی رہنے کی اپیل کی جارہی ہے لیکن چند افراد لاک ڈاؤن کی خلاف ورزی کرتے ہوئے بھی دیکھے جاسکتے ہیں۔
کولگام کے بشتر علاقوں میں نجی گاڑیوں کی نقل و حمل کافی دیکھانے کو مل رہی ہیں جس سے مقامی لوگوں میں یہ خدشہ پایا گیا کہ شاید ضلع انتظامیہ نے لوگوں کی نقل و حرکت پر عائد پابندیوں میں نرمی لائی ہے۔
وہیں ضلع ترقیاتی کشمنر شوکت اعجاز بھٹ نے کہا کہ ' ضلع میں بندشیں برابر جاری ہیں اور ماہ رمضان کے پیش نظر ضلع کے بیشتر علاقوں میں لوگوں کی نقل و حمل دیکھنے کو مل رہی ہیں۔ لوگ اس دوران ضروری اشیاء خریدنے کے لیے بازاروں کا رخ کرتے ہیں۔'
انہوں نے لوگوں سے اپیل کی ہے کہ وہ اس دوران سماجی دوری کا خاص خیال رکھے تاکہ اس مہلک بیماری پر قابو پایا جاسکے۔'
واضح رہے کہ مرکز کے زیر انتظام علاقے جموں و کشمیر میں کوروناوائرس کے تیزی سے پھیلنے کے سبب لوگ اضطراب میں مبتلا ہورہے ہیں۔ کشمیر وادی میں خاص طور اس وائرس سے لوگوں کی ایک بڑی تعداد متاثر ہوئی ہے۔
