جموں و کشمیر محکمہ اسکول ایجوکیشن کی جانب سے جاری کردہ نوٹیفکیشن میں اس بات کی وضاحت کی گئی ہے کہ نجی اسکولوں میں کام کررہے اساتذہ کی تنخواہوں کو بنا کسی تاخیر کے واگزار کیا جائے اور اگر کوئی نجی اسکول خلاف ورزی کرتا ہے تو اس کا رجسٹریشن منسوخ کیا جائے گا۔
ناظم تعلیمات کشمیر کی طرف یہ نوٹیفکیشن اس پس منظر میں نکالا گیا ہے جس میں محکمہ کو نجی تعلیمی اداروں میں کام کررہے تدریسی اور غیر تدریسی عملے کی جانب سے یہ شکایات موصول ہورہی ہیں کہ کئی نجی اسکولوں کے منتظمین ان کی تنخواہوں کو واگزار نہیں کر رہے ہیں جبکہ اسکولوں سے اساتذہ کو نکالا بھی جارہا ہے۔
اسکول ایجوکیشن کی جاری کردہ اس سرکیولر میں مزید کہا گہا ہے کہ ان شکایت کے حوالے سے کئی نجی اسکولوں کے منتظمین کو محکمہ اسکول ایجوکیشن کے دفتر طلب کر کے اس بات کی واضح ہدایات دی گئی ہیں کہ پرائیویٹ اسکولوں کے تدریسی اور غیر تدریسی عملے کی روکی پڑی تنخواہوں کو بنا کسی ٹال مٹول کے جلد از جلد واگزار کیا جائے تاکہ ایسے ملازمین موجودہ مشکل صورتحال میں اپنے گھریلو اخراجات کو پورا کر سکے۔
