کشتواڑ میں نماز جمعہ ادا کی گئی

ضلع کشتواڑ میں آج نماز جمعہ پرامن حالات میں ادا کی گئی، حالانکہ کشتواڑ میں سکیورٹی کے سخت انتظامات کیے گئے۔

اس دوران عام لوگوں نے ریاستی گورنر سے مواصلاتی نظام کو بحال کرنے کا پر زور مطالبہ کیا جبکہ موبائل فون خدمات کی مسدودی کی وجہ سے عوام کو مشکلات کا سامنا ہے۔

واضح رہے کہ ریاست جموں و کشمیر کو خصوصی درجہ دینے والے آرٹیکل 370 اور 35اے کو ہٹانے کے بعد وادی میں سخت پابندیاں نافذ ہیں۔ تقربیاً 18 دنوں سے جاری پابندیوں کی وجہ سے مواصلاتی نظام پوری طرح بند ہے۔