پانچویں مرحلے کے تحت ڈوڈہ کے تین حلقوں میں پولنگ جاری

ضلع ترقیاتی کونسل الیکشن کے پانچویں مرحلے کے تحت آج ضلع ڈوڈہ کے ڈی ڈی سی حلقہ انتخاب ٹھاٹھری، کاہراہ اور گندنہ میں ووٹ ڈالے جا رہے ہیں۔

پچھلے تین روز سے خراب موسم کے چلتے پہاڑوں پر برف پڑی ہے جس کی وجہ سے میدانی علاقوں میں سرد لہر میں شدید اضافہ ہوا ہے اور درجہ حرارت میں نمایاں کمی رونما ہوئی ہے۔

مذکورہ حلقوں میں پولنگ آج صبح سات بجے شروع ہوئی لیکن سخت سردی کی وجہ سے لوگ دیری سے گھروں سے باہر نکلے اور اپنے حق رائے دہی کا استعمال کرنے پولنگ مرا کز تک پہنچے۔

سرکاری ذرائع کے مطابق صبح سات بجے تا گیارہ بجے تک 11 اعشاریہ دو فیصد ووٹنگ ریکارڈ کی گئی ہے۔

انتخابی حکام کے مطابق ڈی ڈی سی حلقہ گندنہ میں 18519 رائے دہندگان کے لیے 46 پولنگ اسٹیشن حلقہ ٹھاٹھری کے 20144 ووٹرز کے لئے 51 پولنگ اسٹیشن اور ڈی ڈی سی حلقہ ٹھاٹھری کے 18229 ووٹرز کے لئے 52 پولنگ اسٹیشن قائم کیے گئے ہیں۔